مكسور الجناح....بقلم الشاعر / كريم الزيرجاوي.

صرت مكسور جنحي وحيل مابياش
............واطيرن فوك اغصانك يزيتون
مليت الحزن والآخ والحسرات
...........وردت ساعه اغني ويه اليغنون
لفاني الشيب واني بعز شباب الروح
..............وعفت كل الشماته واليغارون
صرت بيدر عشك للرايح وجاي
............ولا ليلى لفت يم قيس مجنون
كل الناس احبها والحجي المملوح
........ونصحت الي يذم بالناس ويخون
صرت راية عشاير بالعراضات
.....وحجي مجهول صرت للي يهوسون
راسي مايطخ بس لله طخيت
................ولاماشيت انذال اليطخون
صرت ناطور مابين البساتين
...........أخاف اعلى الورد من اليبوكون
وصرت خرخاشه لاطفال المساكين
..........من نبضاتي ادك بلكن يضحكون
انا ناعور اسكي الكاع بجفوف
.............وصرت فلاح وي الي يزرعون
تاليها الزمان يدور ياحيف
................لني كبال ناس الي يشمتون
والف ياحيف ينباك العمر حيف
.................اودع بالسنين وآني ممنون