لما أكتب معك معاهدة...بقلم الشاعر / محمد لبيب مصيلحي.

لما اكتب معاك معاهدة
ولما أحلف أنه وعد..
ترجع تانى فى المناهدة..
يبقى ده إسمه ود؟؟
ياما كنتى ليا شادة...
وياما كنت فى حبى جد..
تقولى ديما فى خصامنا حاسة.
وبالقرب منى بلاقى صد.
طب اقولك إيه.
لو كان لصالحى ولا لصالحك..
الخصام ده كان كله ليه..
الرد يكون عكس الكلام..
وحاسة إن دى عوايدك..
ولما اتعصب من الخصام..
تقولى يالله خلينى اهاجرك.
أشد شعرى ولا اصرخ منك ساعات..
ولا اخدك جوه حضنى..
واقولك ليه كده ياست البنات..
واخلى الخصام يزيد فى همى
فين كلامنا فى المعاهدة.
ولا نسينا من الخصام..
وما عاد بينا المودة
ولا عاد فى قلوبنا السلام..
وعد منى هاكون معاكى..
واعشق عيونك وكمان هواكى..
بس ننسى ونبدأ حياتنا..
واكون نبض نابض وراكى