يموت الحلم جوانا...بقلم الشاعر / عبده النجار (عمو عبده)

يموت الحلم جوانا)
ولسانا بنحكي حاجات
لاهي ضحكه ولا بسمه
وجوانا وجع واهات
كأن وشوشنا مبتسمه
ونفرح لحظه نبكي ساعات
ولا دنيا تفرحنا ولو نسمه
ولو نحلم يموت الحلم جوانا
ولو بطلنا يوم نحلم بنلقانا
قلوبنا تئن وحزانا
ودنيا غريبه
وماشيه عكس ويانا
ولو نبكي ما سمعانا
تذودنا بهموم واهات
تتوهنا بحور متاهات
ونرجع نفتكر اوقات
بنتمناها مره تعود
كأن زمانها مش موجود
ولا دنيا بلحظه تجود
علي اوجاعنا وشقانا
ولو نصرخ ماسمعانا
نصيبنا من الشقا فيها
كانه نبض جوانا
وزمن الراحه ولي وفات
وعيشة كبت فكرانا
ودنيا عكس ويانا
نادينا بعزم مافينا
بتجهلنا ونسيانا
ولو فكرنا يوم نحلم
يموت الحلم جوانا