كلنا بين يديك...بقلم الشاعر / محجوب جزال.

وانا عبد مالي حيلة
ربي الدايم مولاي الله
ساير قانع بديك لقليلة
غياثي الباقي مول الجاه
نفسي ثوبي ليه ياعليلة
قربي في كل مكان نلقاه
ياغوث المحتاج والمسكين
يامصبر باللطف كل مضيوم
ياناصر ف الضيق كل حزين
ياناصر بالحق كل مظلوم
زودنا يالعالي بعوين
فرجها سيدي على المهموم
صبري وانت الغالي ف قلبي
اكرمني علمني لكثير
ياللي باقي حاضر ف دربي
ياموجهني لطريق الخير
اغفر لي ياغافر ذنبي
ماتسلمني ربي للغير
وعبادك بذكرك ياك سهرانة
تعشق وتقرب مولاي لك
ياك كل لحظة يامولانا
كلنا لك كلنا بين يديك
ياللي مالكنا وهوانا
ماتسلمنا لبعيد عليك