عربة...بقلم الشاعر / وعد العاني.

غربه وخذانه الشوك
يا يما ليكم
اجمع بكايا الروح
تالي النفس بيكم
اشهك وشد جروح
وجرح الجرح منكم
مشتاك لشمة هوى
ترجعلي انفاسي
اه يا ذيج السوالف
اه يا محله لمتنه
تعال جس النبض
حط ايدك على صدري
وتحسس شبيه وجع
تلجمني ذكراكم
ياهي يا ذاك الوكت
ياهي يا جنة هلي
يا ذاك الصبح
مطرز بخيوط الشمس
وريحة خبز
فواحه ترد النفس
غربه وخذاني الشوك
جوعان عطشان
الجف امي يسكيني
الشهد
ياهي تعبني الوكت
ضاكت علي دنيتي
الجم جروحي بجرح
واضحك جذب..
تعبني وكتي تعبت
مشتاك تالي العمر
الم ايامي بلمتكم