أقول لك...بقلم الشاعر / محمد لبيب مصيلحي.

بقولك..
واوعدك من ضمن الكلام
على وعد عمرى ليك..
إن خاصمتك..
وإن عاتبتك
وإن تاه عقلى إلا فيك
ابعد ساعتها..
ولا تسامحنى...
والحق هايكون عليا
مش الحق هايكون عليك
ومسامحك عن كلامك..
وهافضل طول عمرى اعشق يوم غرامك..
مهما يكون خصامى ليك..
وإن جالك فى يوم دليل..
عنى وعن خيانتى..
هاكون ليكى الذليل..
استحق لحظتها العقاب..
وأكون ليكى فى عذاب..
ولا افتح لحد باب
لا اهل ولا حتى الصحاب...
واكون بين عيونك..
صادق وكمان ضرير...
واستنى يوم ما تنسى..
لحظة ما كنت العليل..
واقولك أن توبت عن المعاصى...
سامحينى وارمى التماسى...
لأجمل حب في حياتى..
وأكون ليك الحبيب...
ما تسمعى بقى الكلام..
وارمى الشك في الظلام..
أنا برضو اسمى حبك..
اللى ساكن معاكى فى المنام.
ها قولى يالله ردى عليا..
مين حبك فى اللحظة ديا...
قول يالله ريحى باللى..
خلينى اضمك بين عنيا..