إوعى تِقّْسَىَ ع الفقير
إللى شبعان م الكلام
دا إنت تنفخ فيه يطير
و بيتعشىَ فى المنام
عمره ما يحسد ولايغير
و كمان بيضحك ع الايام
لو ف مرة تكون مكانه
مش هتعرف يوم تنام
///////////////////////
لو ظروفك هيا ظروفه
كنت هتصرف ف اليوم كام
أو جربت ف مرة كسوفه
لو تديله بإيدك كام
لما تشوف قلقه و خوفه
راح تتحصر ع الأيام
إنت و نفسك تعمل خلوة
و هى تدلك ع الغلبان
///////////////////////
هاتله ف مرة هدمه حلوة
هاتله معاك جوزين حمام
خليه يسمع مرة غنوة
جيبله شاى وسط الكلام
لو عياله خمسة سته
هيشوف كابوس مش أحلام
خلى ف قلبك جواه حته
و حس دايما زيه
بقسوة الآلآم.
ليست هناك تعليقات:
إرسال تعليق