من تسمع ونين الوطن
مجروح
مو من غريب الجرح
جرح الوطن من ولده
لو جان إبنه وفي
شحده الغريب يمسه
عندي وطن مجروح
وجرحه صعب شده
شمعلاها چانة رايته
باسم الله و مطرزه
بكل المحافل علة
مهيوبه وبعزه
عندي وطن بعلو السما هامته
رمح.. و شحده ليصل حده
حنه ومسك تربته
ديوان و أخوته عنده
ينتخي لو واحد منهم وگع
وعلى الطريق يرده
شبيهم أخوته تفرقم
وبجرحه خلوا وحده
من تسمع ونين الوطن
مجروح
جرح الوطن من ولده
ليست هناك تعليقات:
إرسال تعليق