وتعالو معايا يالعاشقين
ونمدحو من جانا بلسم الكون
والكعبة فاحت يالسامعين
هذا نورو تكلمت به لسون
فاح العطر الليلة بطيبو
هااحمد ملك قلب العشاق
اهلو امو وكل حبيبو
وملايك الرحمة والخلاق
ياك فرحت مكة بالمحمود
انبي الامة جد الحسنين
ارسول العالي والمعبود
من جانا برسالة وليقين
هذا الليلة يا محلاها
في كل لبقاع فرحة جديدة
يالشايف نورها وبهاها
وانا ف حروفها بقصيدة
اموصلة لناس اسروري
كيف ننساها تذكر سيد نبي
وانا ف عشقو زاد حبوري
اهديتو حبي زدتو قلبي
وصلوني لرحابو نشكي
ماقال الحاقد في سيدو
في طيبة يااحمد ونبكي
ودواخلي برضاه اتزيدو
داك للي معرف امكانتو
عند العالي للي رفعو
فظلو على الانبية برسالتو
ف الفردوس ياك مولاي وضعو
قال ليه ياللي ف عينينا
صليت عليك ف سما والارض
حثى ملايكي منك لينا
ياموصل رسالة طول وعرض
ليست هناك تعليقات:
إرسال تعليق