انا الحب اللي ظلموني
بوصفي بكلمه من حرفين
وليل وحكاوي وأماني
بتتقسم ما بين اتنين
بدايتي كلمه او نظره
وبسمه قربت عاشقين
ورعشة ايد في مواعيد
بعيد عن لومة اللايمين
وانا قال قصه اخرتها
فراق ودمع يملا العين
أنا الإنسان أنا وجودي
حياه وسلام مجتمعين
أمان الدنيا من جودي
ونشيدي منتهى العارفين
انا الأمل اللي من زودي
رحمه من الإله ولين
انا الأقدار مكتوبه
بمد سماوي دنيا ودين
انا الجنه انا النعمه
خلودي موعد الصابرين
ليست هناك تعليقات:
إرسال تعليق