الجيش الأبيض الميداني
أكتر جهة في الناس بتعاني
وجه لوجه مع كل المريض
بيمارس واجبه الإنساني
روحه على كفه وبيجازف
جواه أمل ويقين رباني
كل أمله يتعافى مريض
والفرحة ترجع من تاني
وسط جراح الكل وعايش
وبيحارب بنشاط وتفاني
عقله وقلبه وقلمه وعلمه
بيساوي حياة ترجع تاني
ومن جهة تانية فيه عمال
دول يتقال عنهم أبطال
لجل العجلة تفضل سايرة
ولجل اللقمة تكَفى عيال
خرجوا وكابروا وضحوا وصبروا
وقالوا الريح ما تهد جبال
يارب تعينهم وتقويهم
وتكفيهم شر الأهوال
وكله بيطلب عفو وغفران
وإن الغمة تزول بأمان
ويرجع الأمان لقلوبنا
ويرحمنا العزيز المنان
ويرتاح بالنا بقي وتتتافي
....... لما نردد الآذان
اللهم إنا عبيدك......
نسألك بإسمك... الرحمن
فاستجب اللهم كما وعدت
في محكم آًيِ القرآن.
ليست هناك تعليقات:
إرسال تعليق