رسالة....بقلم حسن أبو علي.

رغــم أن الـبـال مــش رايــق
ولا عايش زي الخلايق
وفــي قلبــي قايـدة حرايـق
ونفسـي بكون مش طايق
لكـن بصفـى وبسامـح
فـي غضون ثواني ودقايـق
على وضعي من يومي ثابت
ولا عـمـر نـظـرتـي خابـت
ومـش مـعـنـى أنـي سـاكــت
ضعيـف وشجرتي مالـت
وعـــودي نـشــف وأنـحـنــى
وخلاص كدة علية راحت
مـن الـنـاس شـوفــت الـبـدع
ميـن يقرا ومين سمـع
وبـضـحــك رغــم الـوجـــع
ولسة على حيلي واقف
صـلـب ومـن الصـعـب أقـع
حليم في ساعة الغضب
لـو يـعـلـى صـوتـي بـسبــب
شـهـم وزينتـي الادب
وفـي الحـق وفـي الرجـولة
بـيــا الـمـثـل أتـضــرب
بـتـأسـف لـمـا أكـون غـلطـان
لاعمري ف مرة كنت جبان
حُـر وعـنــدي لـبـاقــة لـسـان
لـو أثـور أو أغـضـب بـركـان
ومابخافش غيـر مـن الرحمن
وما بنساش إن أنا إنسان
عـلمـنـي أبـويـة مـن صُـغري
أكون راجل صريح دوغري
علـى صـراط مستقيـم أجـري
واثق الخطوة طول عمري
والنخـوة في عروقي بتسـري
طويل البال واسع صدري
جـوايــة حُـب لـكـل الـنــاس
من عيلة ليه أصل وأساس
متربي على الصـدق والاخلاص
اللي يودني ع العين والراس
واللي يصدني عِند وخلاص
قلمي سلاح وحروفي رصاص
عذب الكلام وصعب المراس
رغـــم أن الـبــال مـــش رايــق
ومن الحنضل قلبي دايق
لـكنــي لـسـة مـركــز وفـايــق
ويوم ورا يوم بعرف حقايق
وفرصة تانية بخاطري ورضايا
بعطيها للي في عنده سايق
مـش ضعـف منـي إيمـان بربـي
ودا الفرق بيني وبين الخلايق