ي الفياش
مالك ؤ مال هاذ الناس
شي مستيه في عزو
ؤ شي قدفتيه بالعياش
غواتك الجهالة
حفاظ بوهالي بودربالة
ؤتفصل ؤتخيط...
ؤ لي عجبك بلا مقاس
فين حدك توصل
راس مالك قباحة وجهل
ؤداير فيها ابو كناش
ؤنت ما تنتج ما تعطي غلة
لسانك حامي مْرَعْوِن علة
شعال لعوافي مقشاش
اناني مريض عليل
دافع ؤ نت سقيم ذليل
ؤ م سقيتي لخير حتى بحجم كاس
ي الفياش
هاذي راها بلادي
ارض اهلي ؤ جدادي
ؤطيورها من طنجة لكويرة سايرة تزرع
ؤ نت باغي غ الترياش
فدَوِر ي الفياش ذاك الراس
فالراس ل م يدور اصلو كُدْيَة
مرصوص ب صْخر والكياص
بل مسكون بالغفلة
ؤ في دواخلو الف خناس ؤوسواس
يا الفياش
هاذي راها بلادي
زيتونها ؤنخلها يالحب ينادي
ؤناس في الناس
ؤنت في مشيط الراس
ي الفياش
نوض شمر ؤدمر بحال الرجال
ذوك لي في العلم دارو شحال ؤشحال
ؤ نت لاوي لا صنعة لا ساس
ي الفياش
ليست هناك تعليقات:
إرسال تعليق