ياعربي اصحى بقى واعملك قومة
سبعين سنة و انت على دي النومة
زي اللي واخد على دماغة شومة
ولا ستايرك كحلى و مش ملمومة
اصحى بهمة ولا عايزلك عزومة
الجروح مفتوحة بالانين مهمومة
بصرخات على السكات مرغومة
امتى هنشوف الصفوف الملمومة
الكلمة الواحدة اللي مش مقسومة
فجرك يا عربي قضيتة محسومة
هاينور رغم المشاعر المهزومه
تريخنا ماله مع النصر خصومة
واللي انكتب في التاريخ بالامس
يحكيلك عجب بالدوي و بالهمس
اجدادك قوة عزيمة صلابة بائس
و ارادة عظيمة ما تعرف اليائس
وطنية حميمة في القلب و الرائس
وعزة قيمة تلامس اكتاف الشمس
قدرك تصحى مهما راحت عليك نومة
ليست هناك تعليقات:
إرسال تعليق